top of page
ተኾርምዩ ዘይድቅስ
ኣንጊሁ ዝወፍር...ቀልጥፉ ዘይምለስ
ተሓጒሱ ዘይቅልጥፍ
ጉህዩ ከዓ ዘይተርፍ
ተጸሚሙ ዝጐዓዝ
ደኺሙ ዘየዕርፍ
ሓንቲ ዘረብኡ ከም ወርቂ ቀለም
ሚእቲ ግዜ ዝድገም
ዓርኪ ቆልዑ .. ዝበልሕ ኣብ ጸገም
ዘቅየር ሕብሩ
መማዕደዊ ዋላ
ሓንሳብ ዝጠመታ ኣብ ከዱ'ላ
ተሃዊኹ ዘይኣቱ
ብዘብዘብ ብጉያ
ኣድቂቑ ዝጥምት......
ንጥልመት
ንጉርሒ
ንሸርሒ......ጠባያ
ንህዝቢ
ንሃገር...ክብል
ሓሲቡ መምዩ ዘይቅበል ሓረጣ
ቁንጣሮ ትዃቦ ዘስዕበልካ ጣጣ
ካልኣይ ገዛኡ
ኣብ ሓጽቢ ዓዲ-ሃሎ
ቤት ጽሕፈቱ ቴንዳ ደሮና ዘይፍለዮ
መዓስከር ደሮና
ንፋስ ዝፋጽየሉ
ኣብዝን ኣብትን
ኣእማን ተፈንቒሉ
ንሱ ኣብኡ መዓሉ
ኣድናቖተይ ዓብዩ መገጺ ስኢነሉ
የቕንየልና ፕረሲድንትና
ዕድመ 'ሃብካ ክጥዕመና ንዓና
bottom of page